section and everything up till
*/ ?> Kokila Rajgor Archives - Shabdoni Sangathe

આ વૃંદાવનનો કાનો

❣️આવૃંદાવન નો કાનો❣️

મારી આંખે તરતોછાનો, આ
વૃંદાવનનો કાનો!
મારી સાથે ફરતો છાનો, આ વૃંદાવન નો કાનો!

જોતીરાધા સંગે રમતો,ગોપી ગોપાલથી લડતો!
મારી સામે સરતો છાનો, આ વૃંદાવન નો કાનો!

બંસીનાદે ગુંજન કરતો, મુજ
હૈયે સ્પંદન ભરતો!
મારી વાતે કરતો છાનો, આ વૃંદાવનનો કાનો!

જોતાં હું તો રાવેભૂલી,ઊભી ભેરુ રસ ગોલી!
મારી કાજે ઠરતો કાનો, આ વૃંદાવન નો કાનો!

કોયલ એને જોયા કરતી તન
મનને ધોયા કરતી!
મારી ચાહે ધરતો કાનો, આ
વૃંદાવનનો કાનો!

સોણું જોતાહૈયેહસતી,કાના
ને પલ પલ જપતી!
મારી આશે ભરતોછાનો, આ વૃંદાવન નો કાનો!

કોકિલા રાજગોર

પ્રભુ વિસામો દે

ગાલગાગા/ ૪
દોટથી થાકી ધરારે,પ્રભુ વિસામો દે કરારે.
અંતથી જાગી ધરારે, પ્રભુ વિસામો દે કરારે.

રાત દિવસો ને વળાવી, જીંદગી ભાતે ગળાવી.
બોજથી આંચી ધરારે, પ્રભુ વિસામો દે કરારે.

બાલપણ ખોયું જ દાવે, જોબને ઝૂલી જ ભાવે.
ભોગથી તાપી ધરારે, પ્રભુ વિસામો દે કરારે.

ચાલતાં ડગર મળી ક્યાં? મ્હાલવું ભૂલી રહી ત્યાં.
લોભથી ચાલી ધરારે, પ્રભુ વિસામો દે કરારે.

મોસમે બદલાઈ જાતાં, કોકિલા ભૂલી થરકતાં.
આંખડી ઢાળી ધરારે, પ્રભુ વિસામો દે કરારે.

કોકિલા રાજગોર
ભીવંડી થાના મુંબઈ

મળે જો મન

લગાગાગા /૪

મળેજો મન મનાવી લે, સમયની ધારમાં વ્હાલે.
મળે જો પ્રભુ વધાવી લે, હૃદયની ધારમાં વ્હાલે.

ગુણાંકો ગાળતાં રોમે, વળાંકો વાળતાં જોમે.
મળેજો ડગ સમાવી લે, વિનયની ધારમાં વ્હાલે.

બધુંએ નામળે જોજે, મળે એ માનથી લેજે.
મળેજો ગમ વહાવી લે, મલયની ધારમાં વ્હાલે.

કનડતું ગાળશે બોજે, ખખડતું બાળશે રોજે.
મળેજો રસ ભરાવી લે, પ્રણયની ધારમાં વ્હાલે.

રડીને કોકિલા જાગે, હસીને ચાહતે ફાગે.
મળેજો પલ લખાવી લે, વિજયની ધારમાં વ્હાલે.

🖊️Kokila Rajgor