section and everything up till
*/ ?> Kokila Rajgor Archives - Shabdoni Sangathe

જીવન મારું

15/ગા
એકલવાયું જીવન મારું,
બસ! આકુળવ્યાકુળ થાતું.
શ્ર્વાસે તૂટ્યું જીવન મારું,
બસ! આકુળવ્યાકુળ થાતું.

ભીતર અંતર ભડકે બળતું,
સંબંધો વિણ ટળવળતું.
લાચારીનું જીવન મારું,
બસ! આકુળવ્યાકુળ થાતું.

તડકા છાંયાં વેઠ્યાં જીવી,
શાબાશી દીધી કેવી?
પીડા સ્હેતું જીવન મારું,
બસ! આકુળવ્યાકુળ થાતું.

ઝંખું તોએ ના એ વળતું,
પાછું આવી ક્યાં મળતું?
માંગ્યા કરતું જીવન મારું,
બસ! આકુળવ્યાકુળ થાતું.

કોયલનું મનડું ઘૂંટાતું,
ઠાગે-ત્રાગે વીંટાતું.
પલ-પલ ઠરતું જીવન મારું
બસ! આકુળવ્યાકુળ થાતું.

🖊️Kokila Rajgor

ચાહ સંબંધો – Lekhanotsav

ગાલગાગા/૪

મેક-અપ જેવું ટળે ત્યાં, ચાહ સંબંધો ફળે છે.
ચેક-અપ જેવું ઢળે ત્યાં, ચાહ સંબંધો ફળે છે.

આશ શ્ર્વાસો સાંકળીને, ત્યાગ ભાવો ઝળ હળે છે.
બ્રેક-અપ જેવું વળે ત્યાં, ચાહ સંબંધો ફળે છે.

માન આપ્યે પામશો એ, જ્ઞાન સાથે જાગશો એ.
પેક-અપ જેવું ચળે ત્યાં, ચાહ સંબંધો ફળે છે.

જીંદગી જીવો જ મીઠી, કાલ કોણે, ક્યાં જ દીઠી?
બેક-અપ જેવું ભળે ત્યાં, ચાહ સંબંધો ફળે છે.

જાણજો માનવ પણાં ને, છૂટશે દાનવ પણું એ.
ગેટ-અપ જેવું કળે ત્યાં, ચાહ સંબંધો ફળે છે.

કોકિલા રંગો ભરે ને, સંગતે છાની તરે છે.
સેટ-અપ જેવું મળે ત્યાં, ચાહ સંબંધો ફળે છે.

🖊️Kokila Rajgor

આવરદા દળતી

હું વરસોની તરસે ગળતી, સમયે આવરદા દળતી.
વ્હેતાં પવને હરખે મળતી, સમયે આવરદા દળતી.

લોકો છેડે પાગલ બોલી, આહટ વળગણ બસસ્હેતી.
સાચી ઓળખ સદમે છળતી, સમયે આવરદા દળતી.

ડગલે પગલે આશા છોડી, મોસમ જાતી મુખ મોડી.
ઝાંખી ચાનક લટકે ભળતી, સમયે આવરદા દળતી.

વાસંતે હું ચાહત ભૂલી, સંગત પણ થાતી લૂલી.
આંખો ગાળી નજરે ઢળતી, સમયે આવરદા દળતી.

હૈયા ઉપવન થાતું સૂનું, પાનખરે છૂટે ભીનું.
કોયલ જાગી શમણે બેઠી, સમયે આવરદા દળતી.

કોકિલા રાજગોર