section and everything up till
*/ ?> Deep Gurjar Archives - Shabdoni Sangathe

પ્રેમથી

જિંદગીની રાહ ઉપર ચાલવું છે પ્રેમથી,
કુદરતી સૌંદર્ય મારે માણવું છે પ્રેમથી.

શાંત મનથી જિંદગીને જીવવું છે આખરે,
આજ ગુસ્સાના જગતને કાઢવું છે પ્રેમથી.

ભાવનાઓ ભીતરે ઝાઝી પડી છે જ્હેનમાં,
ઝેર નફરતનું હવે બસ કાઢવું છે પ્રેમથી.

ગણતરીથી ચાલતા હો’ તો પછી સંબંધ શું?
લાલચોના મૂળિયાને કાપવું છે પ્રેમથી.

આપણું જે હોય, એ અંતે રહે છે આપણું,
કાજ સંબંધોને જીવન ત્યાગવું છે પ્રેમથી.

અંધકારો દૂર થાશે, દીપના ઉજાશથી,
અંજવાળાને બધે ફેલાવવું છે પ્રેમથી.

🖊️Deep Gurjar

અડીને

દયા ભાવનાને હૃદયમાં ભરીને,
હું જીવ્યો છું રોજે મદદમાં પડીને.

ભર્યો જામ મદિરાથી જોને છલોછલ,
હું ઝુમ્યો છું યાદોમાં એને ગળીને.

છુપાવ્યા છે શમણાં નિભાવીને ફરજો,
મે સંબંધ રાખ્યા હૃદયથી મરીને.

હૃદયનાં તો ધબકાર ઊંચે ચડ્યા છે,
નયનના કિનારે તમોને મળીને.

થયા ‘તા તિખારા નસેનસમાં મારી,
હું ધ્રુજી ઉઠ્યો તમોને અડીને.

🖊️Deep Gurjar

ચોમાસું

ગાલગા×૩

કૂંપળો ફૂટશે બાગમાં,
મોરલા ટહુકશે ચાહમાં.

આવશે આંગણે મેઘલો,
છોકરા દોડશે વાસમાં.

ઓસ રૂપે થશે લાગણી,
બિંદુ ભીનાશના ઘાસમાં.

થનગની ઉઠશે સૌનું મન,
દોડશે પ્રેમ ચિત ભાવમાં.

ફૂલ કરમાયને જે ખર્યા,
ઉગશે ડાળના ઘાવમાં.

🖊️Deep Gurjar