section and everything up till
*/ ?> વાત ગઝલની Archives - Shabdoni Sangathe

સમજણ વગર

મેં ભર્યા ‘તા સ્વપ્નને સમજણ વગર,
રોજ બદલાણી હતી મારી ગમત.

એકબીજાને પકડવા દોડવું,
દોસ્ત થપ્પો દાનો એ કેવો હરખ.

જ્ઞાતિના નામે હતા નહિ ભાગલા,
ત્યાં હું જીવ્યો પ્રેમ છલકાતી ડગર.

ઘા કરે લોકો જુવાનીમાં કેવા,
બાળપણની યાદ આવે છે રમત.

આંબળી ને પીપળી કેવો રમ્યો,
બાળપણ લખતા નથી થાકી કલમ.

🖊️Deep Gurjar

જાણી

બંધારણ : ગાલગાગા ×૩ ગા

લોક સંસ્કારોમાં આજે સભ્યતા જાણી,
પ્રભુએ ધરતી પર રચેલી રમ્યતા જાણી.

રંક જોયાં, જે સ્વભાવેથી અમીરી છે.
ઝૂંપડીમાં બંગલાની ભવ્યતા જાણી.

જ્યાં છવાયા વાદળે કર્યો ઈશારો રે !
આમ વર્ષા આવવાની શક્યતા જાણી.

જ્ઞાન પ્રત્યે આમ અજ્ઞાની કરે નિંદા,
પાંગળા લોકોની આજે મુગ્ધતા જાણી.

નીરમાં અઢળક ખજાનો ઉરમાં છૂપાવે,
એ મહાસાગરનાં માટે ધન્યતા જાણી.

— Ami maheta

હું!

પંથ છે કંટકી, તોય રખડીશ હું,
લાગણીના ખજાનાને શોધીશ હું.

લાખ માઈલ કાપીને ભેગા થશું,
મંઝિલે ત્યાં પહોંચીને જીવીશ હું.

રંગ ઊડી જશે, જિંદગીનો છતાં,
સૌને છેલ્લા તે શ્વાસે હસાવીશ હું.

રાત ને દી’ મહેનતમાં ચાલ્યા જશે,
આખરે જીતનો રસ ચખાડીશ હું.

સાથ તો જિંદગીભર નિભાવી જશું,
યાદનો “દીપ” હૈયામાં રાખીશ હું.

🖊️Deep Gurjar