section and everything up till
*/ ?> પુનિત સત્સંગ સરિતા Archives - Shabdoni Sangathe

બહુચર મા

(રાગ : સાવન કા મહિના પવન કરે શોર…)

જગત જનનીની માડી એનુ બહુચર મા છે નામ
અટક્યા રે ઉકેલે માડી પુરા કરતી કામ…(૨)…જગત જનનીની… ટેક.

માવલડીને છોરું લાગે છે પ્યારુ,
અંતરથી ચંપી દે છે કહીને છે મારુ…(૨)
માવલડી ના પ્રેમ નો ન આવે કોઈ દિ’ પાર
અટક્યા રે ઉકેલે માડી પુરા કરતી કામ…(૨)…જગત જનનીની… (૧)

દુઃખ મા ને સુખ મા માડી છે સાથે
હાથ તુ રાખજે માં સદાયેને માથે…(૨)
મહેર તારી અમ પર વરસાવો દિન ને રાત
અટક્યા રે ઉકેલે માડી પુરા કરતી કામ…(૨)…જગત જનનીની… (૨)

ફિકર બધીયે માડી રાખે છે મારી
નડતી નથી મને જવાબદારી (૨)
માડી કરે છે હિતનુ રાખુ છું એ વિશ્વાસ
અટક્યા રે ઉકેલે માડી પુરા કરતી કામ…(૨)…જગત જનનીની… (૩)

આંટી ને ઘૂંટી મારા જીવન મા રે આવતી
તોય પણ તુજ મારુ ગાડું રે ચલાવતી…(૨)
યુવા કવિ જીવન મા માડી આપો પુનિત દાન
અટક્યા રે ઉકેલે માડી પુરા કરતી કામ…(૨)…જગત જનનીની… (૪)

શ્રી સંત પુનિત કૃપાથી
રચના : મિરલ ભાવેશભાઈ પટેલ (યુવા કવિ)

ભક્તોનું પેટ્રોલપંપ

(રાગ : ભક્તોની ચિંતા બધી ભગવાનને રે…)

ડાકોર ભક્તોનુ પેટ્રોલપંપ છે રે,
આનંદની ટાંકી ત્યાં ફુલ થઈ જાય… ડાકોર…(૧)

કાયા રૂપી ગાડી ઝોકા જો ખાય તો રે,
હરિનામ જોરે ત્યાં ધક્કો મરાય… ડાકોર…(૨)

શ્રદ્ધા રૂપી કેશ કે કાર્ડ ત્યાં ચાલતા રે,
ભાવતું વૈદ્યે કહ્યું કહેવાય… ડાકોર…(૩)

પાપ રૂપી પંચર પડે તોય આવજો રે,
સમુ કરનારો રણછોડ રાય… ડાકોર…(૪)

“પુનિત” પ્રમાણ પ્રભુનુ આપતાં રે,
યુવા કવિ અનુભવે સઘળું લખાય… ડાકોર…(૫)

શ્રી સંત પુનિત કૃપાથી
રચના : મિરલ ભાવેશભાઈ પટેલ (યુવા કવિ)

સ્વભાવની સાર્થકતા

(રાગ : વ્હાલા તારો વિયોગ, દિલડાનુ દર્દ છે…)

સાંકર જેવો સ્વભાવ, ઉકેલ સહુ વાતનો…
પાર થાય સબંધની નાવ, ઉકેલ સહુ વાતનો…

ફાવશે ને ગમશે એ નિતી જીવનમા,
સહુની સાથે લગાવ, ઉકેલ સહુ વાતનો…

કુંજર કાયા પણ આવે કીડીના દરમા,
વ્હાલને એવો વિકસાવ, ઉકેલ સહુ વાતનો…

ચડતી પડતીમા મારે હરિનુ શરણુ,
નિત્ય મને ભજન કરાવ, ઉકેલ સહુ વાતનો…

“યુવા કવિ” સહુ મા રામજી નિહાળતા,
“પુનિત” પંથ પ્રભાવ, ઉકેલ સહુ વાતનો…

-સંત શ્રી પુનિત કૃપાથી.

🖊️Miral Patel