section and everything up till
*/ ?> અછાંદસ Archives - Shabdoni Sangathe

વિદાય

પાનેતર પહેરી પિતાની લાડકી જો કેવી રૂડી ઝળહળ હતી!
ચંચળ આ નજર પિતાની, પુત્રી પર દોડી જતી પળપળ હતી.

જાણી કે વેળા વિદાયની હવે તો નજીક આવે છે ક્ષણ-ક્ષણ,
અડગ પિતૃ હૃદયમાં પણ શરૂ થઈ કંઇક ખળભળ હતી.

આંગળી પકડી જ્યાં દોરી ગયો બાપ ડેલીએ દીકરીને વિદાય કાજ,
ધ્રુજતા હાથમાં થઈ કંપારી, સ્મૃતિઓ આવી બેઠી સકળ હતી.

નવા સંબંધે જોડી દીકરીને, નવા જીવનના આપ્યા આશિષ,
શૂન્ય ઘરની ડેલીએ ઊભા, બાપની આંખ હવે ખળખળ હતી.

દીકરીનો મીઠડો સ્વર અને ઝાંઝરનો ઝણકાર તાત ગોતે ભીતર,
ખાલી ઉંબરે, શૂન્ય બારણે,આ કેવી મિથ્યા ચળવળ હતી?

એ તપતો તપન ને તાત હૃદય સમાન જ્વલિત થઈ બળતું હતું,
હતી બંનેમાં ઉષ્મા, ને વળી પીડતી વેદના કોઈક અટળ હતી.

🖊️Himanshi Parmar

આલિંગન મળે

બંધારણ: ગાગાલગા×૪

કુદરતનાં સરનામે પહોંચી એક નવું સર્જન મળે,
મનમાં થતું એવું મને, કોઈ અલૌકિક વન મળે.

અનુભૂતિની માયા નિહાળી વ્હાલું હૈયું થનગને,
ને ચોતરફ બસ શૂન્ય લાગે મનથી જ્યારે મન મળે.

સીડીઓ ઉતરી સ્નેહની ને ધૂળ ભેગા હો છતાં,
અભિમાનનું આંબે શિખર માણસને થોડું ધન મળે.

સંતોષ માને ના કદી જે પણ મળ્યું છે એમાં ને,
ઘર-ઘરનાં ખોદે ઓટલા જ્યારે ઘણાંયે જન મળે.

ચૂમે ખુશી મન આંગણે, દિવસો પછી પિયરે જતાં,
પુત્રી તો પામે સ્વર્ગ, જ્યાં માતાનું આલિંગન મળે.

🖊️Ami Maheta

કોઈક

નાનકડાં જીવનની એક ચાહ જણાય છે,
કોઈકનાં પ્રેમ દરિયે મુજ હૈયું તણાય છે.

લોકો ભલેને સાચવે સ્વાર્થથી દરેક સંબંધ,
કોઈક જીવનની દોર સાત જન્મે બંધાય છે.

સુખ અને દુઃખ જાણે સિક્કાની બે બાજુ,
મન તો કોઈકના માત્ર સ્મરણે હરખાય છે.

બેરંગ લાગે આખુયે આકાશ પણ ક્યારેક,
તનેય કોઈક અજાણ્યાં વરસાદે રંગાય છે.

અરે કવિ! કલમે લખાયો સઘળો સંસાર,
સ્યાહી કોઈક નયનના વર્ણને મલકાય છે.

🖊️Prakash Gohel