section and everything up till
*/ ?> કવિતા કોર્નર Archives - Shabdoni Sangathe

સમજણ વગર

મેં ભર્યા ‘તા સ્વપ્નને સમજણ વગર,
રોજ બદલાણી હતી મારી ગમત.

એકબીજાને પકડવા દોડવું,
દોસ્ત થપ્પો દાનો એ કેવો હરખ.

જ્ઞાતિના નામે હતા નહિ ભાગલા,
ત્યાં હું જીવ્યો પ્રેમ છલકાતી ડગર.

ઘા કરે લોકો જુવાનીમાં કેવા,
બાળપણની યાદ આવે છે રમત.

આંબળી ને પીપળી કેવો રમ્યો,
બાળપણ લખતા નથી થાકી કલમ.

🖊️Deep Gurjar

જાણી

બંધારણ : ગાલગાગા ×૩ ગા

લોક સંસ્કારોમાં આજે સભ્યતા જાણી,
પ્રભુએ ધરતી પર રચેલી રમ્યતા જાણી.

રંક જોયાં, જે સ્વભાવેથી અમીરી છે.
ઝૂંપડીમાં બંગલાની ભવ્યતા જાણી.

જ્યાં છવાયા વાદળે કર્યો ઈશારો રે !
આમ વર્ષા આવવાની શક્યતા જાણી.

જ્ઞાન પ્રત્યે આમ અજ્ઞાની કરે નિંદા,
પાંગળા લોકોની આજે મુગ્ધતા જાણી.

નીરમાં અઢળક ખજાનો ઉરમાં છૂપાવે,
એ મહાસાગરનાં માટે ધન્યતા જાણી.

— Ami maheta

ભારણ

ગુનાહ માંથી ઉગરવા મારું વલખા મારવું સાવ અકારણ હતું,
ડૂબવું નિશ્ચિત હતું, મુંજ પર મારાં જ શબ્દોનું ભારણ હતું.

ધોધમાર અશ્રુજળ હૃદયમાં પેસીને છલકાવા લાગ્યું ખુબ,
એક ઠોકરમાં દરિયો થઇ બેઠું દિલ, જે આજ સુધી રણ હતું.

શોધતા મને આવડ્યું નહિ એ ક્ષતી ચોક્કસ મારી જ દ્રષ્ટિની છે,
નવી સવારે, નવા રંગે ખીલ્યો સૂરજ, તેની પાછળ પણ કારણ હતું,

ભૂતકાળની સ્મૃતિઓને ભેગી કરવામાં શાને વેડફે છે જીવન તું?
તે ભૂતકાળ તો આવનાર ભવિષ્યનું, માત્ર એક ઉદાહરણ હતું.

હતી તું સાચી તોયે હવે શું? વગર વાંકે સજા તો મળી ગઈ,
‘હું સાચી છું’ એ તારું કેવું સાવ જ મંદ ઉચ્ચારણ હતું!

આ જે આંખોની સપાટી પર ઝળહળવા લાગ્યા છે અમુક ટીપા,
ભીતરના સતત મનોમંથન પછીની સત્યતાનું એ તારણ હતું.

આત્મ લાંછન લેવાની ટેવ વ્યસન જેવી લાગી કે છૂટતી નથી,
નોતરું સ્વયં વિનાશ તે પહેલાં, શું મળવાનું નિવારણ હતું?

🖊️Himanshi Parmar