section and everything up till
*/ ?> કેમ નથી? - Shabdoni Sangathe

કેમ નથી?

સપનું ખરેખર તૂટીને થયું ચૂર, કંઇ વહેમ-બહેમ નથી,
ફરી સંધાય શકે એટલો પણ એ ચૂરો હેમ-ખેમ નથી.

આતો મારું સ્મિત છે જિદ્દિલું કે હોઠે પરાણે બેઠું છે,
અન્યથા, વક્ર સમયના પ્રહાર ચિત પર જેમ-તેમ નથી.

જ્યાં અડગ રહેવા ધારું ત્યાં જ બગાવત પર ઉતરે,
મારા થઇને,પણ અશ્રુઓને મુજ પર,રહેમ-બહેમ નથી.

આજ સુધી ભરમાવ્યા તેથી જ શ્વાસ ચાલે છે હજી,
સ્પષ્ટતા કરવાનું રહેવા દો, કે કોઈ પ્રેમ – બ્રેમ નથી.

ઘણું હોય નજરની સામે, છતાંય અદૃશ્ય રહેતું હોય,
જેની શોધમાં તમે ભટકો એ બધું કંઈ આમ-તેમ નથી.

સુખની એક પાંદડી,ને દુઃખના ટોપલા,આ કેવું જિંદગી!
સુખના હોય બાગ,ને દુઃખનું એક પાંદડું, એમ-કેમ નથી?

-Himanshi parmar

7 comments on “કેમ નથી?”

Leave a Reply

Your email address will not be published. Required fields are marked *